Projekti përfshin renovimin dhe përmirësimin e sistemit të gazrave mjekësore në pesë spitale rajonale, me qëllim modernizimin e infrastrukturës ekzistuese dhe rritjen e sigurisë dhe efikasitetit në furnizimin me gazra mjekësore për pacientët.

Punimet janë realizuar në përputhje me standardet teknike dhe kërkesat për ambiente shëndetësore, duke siguruar funksionim të qëndrueshëm dhe të sigurt të sistemit të gazrave mjekësore.

Fusha e Punimeve

Në kuadër të këtij projekti janë realizuar:

• Ndërtimi i objekteve për vendosjen e bombolave të gazit

  • Gërmimi i dheut

  • Vendosja e zhavorrit

  • Betonimi i themeleve, shtyllave dhe pllakës së katit

  • Vendosja e kulmit

• Ndarja e dhomave (muratim, suvatim, fasadim, lyerje)

• Vendosja e pllakave

• Instalimet elektrike

• Sistemi HVAC

• Instalimi i rrjetit të gazrave mjekësore (ajër, azot dhe gazra të tjera mjekësore)

• Furnizimi i linjave deri tek shtretërit e pacientëve

Punimet janë realizuar në pesë spitale rajonale të ndryshme, me koordinim teknik dhe organizim profesional të kantierit në secilin lokacion.

Rezultati

Projekti ka mundësuar përmirësim të ndjeshëm të infrastrukturës së gazrave mjekësore në nivel rajonal, duke rritur sigurinë, besueshmërinë dhe funksionalitetin e sistemit për trajtimin e pacientëve në ambiente spitalore.