Nga ideja te realizimi,
me standarde ndërkombëtare.

BM Group u themelua në vitin 2016, me fokus fillestar në prodhimin e ndriçimit LED dhe në realizimin e projekteve ndërtimore e infrastrukturore. Gjatë viteve, kompania ka zgjeruar aktivitetin dhe ka marrë pjesë në mbi 80 projekte madhore në sektorë të ndryshëm, si: ndërtimi i objekteve shëndetësore dhe arsimore, objekteve biznesore, stadiumeve të futbollit, si dhe projekte të ndriçimit publik dhe zhvillime të tjera infrastrukturore.

Ekipi i BM Group përbëhet nga staf profesional dhe operativ. Në kuadër të stafit profesional, kompania angazhon mbi 15 inxhinierë të profileve të ndryshme, me kualifikime dhe përvojë mbi 10 vjet në fusha të ndryshme inxhinierike. Në ekipin tonë janë të përfshirë ekspertë dhe inxhinierë të: ndërtimit, konstruksionit, elektroteknikës, arkitekturës, infrastrukturës, gjeodezisë, etj.

BM Group operon gjithsej me rreth 150 punëtorë të profileve të ndryshme, duke siguruar kapacitet të lartë realizimi në projekte të mëdha.

Për të garantuar cilësi, siguri dhe përputhshmëri me kërkesat bashkëkohore, BM Group implementon dhe përmbush standardet ndërkombëtare:

• ISO 9001:2015 (Sistemi i Menaxhimit të Cilësisë)

• ISO 39001:2012 (Menaxhimi i Sigurisë në Trafikun Rrugor)

• ISO 14001:2015 (Sistemi i Menaxhimit Mjedisor)

• BS OHSAS 18001:2007 (Menaxhimi i Shëndetit dhe Sigurisë në Punë)

• CE-BAU-1609 (Llamba LED për ndriçim rrugor dhe publik)